Fedora 10 තුල subnet mask ගැටළුව

Fedoraළඟදී දවසක පරිගණකයකට Fedora 10 ස්ථාපනය කලා. ස්ථාපනයෙන් පසුව ඕනෙම කෙනෙක් පළවෙනියටම කරන දෙයක් තමයි අන්තර්ජාල සම්බන්ධතාවය සාදා ගන්න එක. අදාල පරිගණකයට තිබුනේ NAT හරහා ලබා දී තිබුන static IP එකක්. සාමාන්‍යයෙන් මේ ආකාරයේ සම්බන්ධතාවයක් සාදාගන්නේ System->Administration->Network වෙත ගොස් එහි ඇති eth0 තෝරා Edit කිරීමයි. එහිදී ලැබෙන window එකේ static IP තොරතුරු (IP address, Subnet Mask, Default Gateway) ඇතුලත් කරනවා. ඉන්පසු DNS ටැබ් එකේ primary හා secondary DNS server වල address ඇතුලත් කරන්න ඕනේ. මමත් මේ විදියටම අදාල තොරතුරු ඇතුලත් කලා. නමුත් අන්තර්ජාලයට සම්බන්ධ වෙන්න බෑ. පස්සේ terminal එකේ ifconfig eth0 ලෙස ඇතුලත් කලාම පැමිණෙන දත්ත වල subnet mask ලෙස සඳහන් වන්නේ 255.255.255.240. මා ඇතුලත් කල දේ එය නෙමෙයි. නැවතත් වෙනස් කර බැලුවත් ආයෙමත් 255.255.255.240ට හැරෙනවා.

ඉන්පසු හැරුනේ google වෙත. සොයා බැලුවාම තමයි හේතුව දැක්කේ. ජාල සම්බන්ධතා හැසිරවීම සඳහා fedora 10 විසින් භාවිතා කරන්නේ NetworkManager නැමැති daemon එකක්. Subnet mask එක save නොවීම NetworkManager වල ප්‍රශ්නයක්. Wired connections සඳහා network daemon භාවිතා කරන ලෙස රෙකමදාරුවක් කර තිබුනා. NetworkManager disable කර network enable කිරීමට පහත විධාන terminal එකක ඇතුලත් කරන්න.

sudo /etc/init.d/NetworkManager stop

sudo /sbin/chkconfig –level 35 NetworkManager off

ඉන්පසු System->Administration->Network වෙත ගොස් eth0 edit කරන්න. අදාල තොරතුරු පැමිණෙන window එකේ static IP යටතේ ඇතුලත් කරන්න. DNS තොරතුරු ද ඇතුලත් කරන්න. නැවත terminal එකක් තුල පහත විධාන ලබා දෙන්න.

sudo /etc/init.d/network start

sudo /sbin/chkconfig –level 35 network on

පරිගණකය නැවත boot කිරීම අවශ්‍යම නැත.

දැන් අන්තර්ජාල සම්බන්ධතාවය වැඩ කල යුතුය. එසේත් නැත්නම් /etc/sysconfig/ifcfg-eth0 යන ගොනුව තුල MASK යටතේ නිවැරදි subnet mask එක ඇතුලත් කර System->Administration->Network ගොස් eth0 deactivate කර නැවත activate කරන්න.

NetworkManager stop

2 thoughts on “Fedora 10 තුල subnet mask ගැටළුව

Leave a Reply

Your email address will not be published. Required fields are marked *