MySQL Root Password වෙනස් කිරීම


Wamp පැකේජය ස්ථාපනය කලාට පස්සේ අපිට Apache, MySQL server යුවල ලැබෙනවා. MySQL කියන්නේ Database server එකක්. අපේ වෙබ් අඩවයික හරි වෙනත් ඕනෑම පද්ධතියක හරි දත්ත ගබඩා වෙන්නේ Database server එකේ. ඉතින් මේ දත්ත ගබඩාව ආරක්ෂා කර ගන්න එක පද්ධතිය host කරන තැන වගකීමක්. අපි web space එකක් මිලට ගන්නකොට මේ ආරක්ෂාව ගැනත් හොයලා බලන්න ඕනේ.
මේ ස‍ටහනින් බලාපොරොත්තු වෙන්නේ MySQL පද්ධතියක root password එක වෙනස් කර ගන්න හැටි පෙන්වීම. Wamp ස්ථාපන‍යෙන් පස්සේ අපිට පෙරනිමියෙන් ලැබෙන MySQL server එකේ root password එකක් නෑ. ඕන කෙනෙක්ට ඇතුල් වෙන්න පුලුවන්. අපි බලමු කොහොමද අපේ ආරක්ෂක රහස් පදයක් දාගන්නේ කියලා.
Wamp ආරම්භ කරන්න. එවිට system tray එකේ පහත අයිකනය පැමිණේ. එය මත click කරන්න.
[wamp_normal.gif]

එවිට පැමිණෙන menu එකෙන් MySQL -> MySQL console තෝරාගන්න.


එවිට console එක පැමිණේ. Enter Password : යනුවෙන් ඇති තැන කිසිවක් ටයිප් නොකර Enter කරන්න.

දැන් mysql> prompt එක තුල පහත් විධානයන් ඒ ආකාරයෙන්ම (case sensitive) එම පිළිවෙලටම ඇතුලත් කරන්න. your_pass වෙනුවට ඔබගේ රහස් පදය ඇතුලත් කරන්න.

සියලු රහස් පද case sensitive වේ.

use mysql

Database Changed
UPDATE user SET Password=PASSWORD('your_pass') WHERE user='root';

සියල්ල එලෙසම ඇතුලත් කලානම් පහත out put එක ලබා දිය යුතුය.
Query OK, 3 rows affected (0.00 sec)
Rows matched: 3 Changed: 3 Warnings: 0

දැන් නැවත පහත විධානය ලබා දෙන්න.
FLUSH PRIVILEGES;

එවිට පහත out put එක ලැබේ.
Query OK, 0 rows affected (0.00 sec)

දැන් ඔබ mySQL root password වෙනස් කර අවසන්. Database එකට සම්බන්ධ වෙනකොට භාවිතා කරන්න ඕනේ මේ රහස්පදය.

One thought on “MySQL Root Password වෙනස් කිරීම

  1. මෙය සිංහලෙන් ලියපු ඔබට ඉතිම ස්තූති. මෙය ඉතාම වටින වැඩක්.
    නිෂාන්.