GMail, GReader, GCalendar සහ තවත් දේ ලස්සන කරමු

Illustration_016Gmail කියන්නේ Webmail සේවා භාවිත කරන්නන් අඩකටත් වඩා යොදා ගන්නා සේවාවක්. Google Reader කියන්නේ RSS syndicator එකක්, තමන්ගේ RSS සබැඳි අවශ්‍ය ආකාරයට හසුරවන්න පුලුවන්. Google Calendar අපේ calendar අවශ්‍යතා බොහෝමයක් ඉටු කරලා දෙනවා. Gmail සඳහා නම් තේමා කිහිපයක් සපයා දී ටිකක් ලස්සන කරන්න අවස්ථාව ලබා දී තිබෙනවා. මැතකදී ඔවුන් තවත් තේමා තුනක් එම ලැයිස්තුවට එකතු කලා.

නමුත් Google Reader හා Calendar සඳහා තේමා යොදන්න බැහැ. අපිට හැමදාම අර බක්කි look එකම භාවිතා කරන්න වෙලා. නමුත් අන්තර්ජාලයේ තැනින් තැනින් ලැබුන ඔත්තු කිහිපයක් භාවිත කරලා මම මේ සේවා ටිකක් ලස්සන කරලා ගත්තා. ඒ වගේම Firefox ඇඩෝන කිහිපයක් එකතු කරලා මම හැම තිස්සෙම භාවිත කරන tabs කිහිපයක් පහසු ආකාරයකට සකස් කර ගත්තා. මේ ලිපියෙන් කියන්නේ කොහොමද මේ සඳහන් කරපු වැඩ ටික කරන්නේ කියලා.

tabs

මෙහි මා භාවිතා කරන අත්‍යවශ්‍ය tabs කිහිපයක් කුඩා කර දක්වා තිබෙනවා. ඒවාගේ fav icons පමණයි දැන් දර්ශනය වෙන්නේ. මෙමගින් අපිට තිරයේ ඉඩ ඉතුරු කර ගැනීමට අවස්ථාව ලැබෙනවා. මේ සඳහා මම භාවිතා කලේ FavIconize Tab යන ඇඩෝනය. යම් කිසි tab එකක් මත right click කර FavIconize Tab ඔප්ෂනය ලබා දුන් විට එය Fav Icon එකක් දක්වා අඩු වෙනවා.

මේ කියවන ගමන් ඇඩෝන බාගත කරන්න යන්න එපා. Firefox කිහිපවාරයක් නැවත ආරම්භ කරන්න වෙයි. මම අන්තිමට ඇඩෝන ලැයිස්තුව දෙන්නම්.

faviconize

නමුත් දැන් ගැටළුවකට එන්නේ Gmail, reader වල තිබෙන unread count එක බලා ගැනීම. Tab එකේ title එක නැති නිසා unread count එක දිස් වෙන්නෙත් නෑ. මේ සඳහා මම Better Gmail, Better GReader යන ඇඩෝන යොදා ගත්තා. ඒවායේ Preferences වල Show Unread Count In FavIcons යන ඔප්ෂනය check කල පසු unread count එක පහත දැක්වෙන ලෙසට දිස් වෙයි.

unread count

මම නිතරම භාවිත කරන tabs, Firefox ආරම්භ කරන සෑම විටම ආරම්භ කල යුතුයි. මේ සඳහා Perma Tabs යන ඇඩෝනය මම යොදා ගත්තා. පෙර ලෙසටම tab එකක් මත right click කර Perma Tabs-> Permanent Tab ඔප්ෂනය ලබා දුන් විට Firefox ආරම්භ කරන විට ඉබේ ආරම්භ වන tab අතරට එයත් එක් වෙනවා.

permatabs

දැන් tab කිහිපයක් අපි පිළිවෙළට සකස් කර ගත්තා. Gmail ලස්සන කර ගන්න ඔබට කැමති තේමාවක් යොදන්න පුලුවන්. අපි බලමු Google Reader සහ Google Calendar ලස්සන කර ගන්නෙ කොහොමද කියලා.

මේ සඳහා අපි Greasemonkey script දෙකක් ස්ථාපනය කරන්න යනවා. ඊට Greasemonkey ඇඩෝනය යොදා ගන්න වෙනවා.

දැන් ඇඩෝන ස්ථාපනය සඳහා හොඳ වෙලාව. පහත ලැයිස්තුවේ තිබෙන ඇඩෝන Tools->Addons හරහා ගොස් සොයා ස්ථාපනය කරන්න. Firefox නැවත ආරම්භ කිරීමෙන් පසුව අපි script දෙක එකතු කරමු.

  • Better Gmail
  • Better Greader
  • Faviconize Tab
  • Greasemonkey
  • Permatabs mod

ඇඩෝන බාගත කර Firefox  නැවත ආරම්භ කිරීමෙන් පසුව පහත දක්වා ඇති වෙනස්කම් සිදු කරන්න. ඔබට gmail සහ google reader, refresh කරන්න සිදු වෙයි.

දැන් Google Reader සඳහා HelvetiReader යන user script එක ස්ථාපනය කල යුතුය. ඒ සඳහා HelvetiReader.com වෙත ගොස් එහි පහළ ඇති Install As A User Script මත click කරන්න. ඔබට පහත ආකාරයේ greasemonkey alert එකක් දිස් වෙයි.

greasemonkeyඑයට Install ලෙස ලබා දෙන්න. අවසාන වීමෙන් පසු Helvetireader installed succesfully යනුවෙන් පහළ status bar එකේ වඳුරු මූණට :D පැත්තකින් දිස් විය යුතුය. ඉන්පසු google reader වත ගොස් refresh කර බලන්න.

මේ ආකාරයටම Google Calendar සඳහා Helvetical පිටුවට ගොස් Usage යටතේ Install UserScript මත click කරන්න. පෙර පරිදිම පැමිණෙන greasemonkey window එකට install ලෙස ලබා දෙන්න. අවසානයේ Google Calendar refresh කර බලන්න.

මෙම ඇඩෝන මම සතියක විතර කාලයක් තිස්සේ භාවිත කරනවා. මේ වනතෙක් කිසිම අකරතැබ්බයකට මුහුණ පෑවේ නෑ.

2 thoughts on “GMail, GReader, GCalendar සහ තවත් දේ ලස්සන කරමු

  1. ස්තුතියි
    Google Redesigned addon එකෙනුත් gmail, greader, gcalender වල ලස්සන වෙන තේමාවන් පාවිච්චි කරන්න පුළුවන්