Ubuntu තුල Scanner ස්ථාපනය : Epson Perfection 660

perf660imageමම මුලින්ම පරිගණකයක් මිලට ගන්නකොට ඒ කාලෙ තිබුන උණට ගත්තා පරිලෝකන යන්ත්‍රයක් (හික්. වචනෙ හරිද මන්ද.සිංහලෙන් නම් ස්කෑනරයක්). Epson Perfection 660 මොඩලයේ එකක්. ඒකත් එක්ක ආවේ Windows XP drivers. ඒවා ඒ කාලෙට හරි ගියා. නමුත් විස්ටා පද්ධතිය ස්ථාපනය කලාට පස්සෙයි හොයාගත්තේ විස්ටා drivers නැහැ කියලා. ලිනක්ස් වලට මාරු වුනාට පස්සේ අදයි මට මේ අටමගල පාවිච්චි කරන්න ඕන කමක් ආවේ. Drivers ස්ථාපනයේදී ඉගෙන ගත්ත දේ ටික මේ ලිපියෙන් ලියා දක්වන්නම්.

ලිනක්ස් වලදි scanning වලට ප්‍රයෝජනයට ගන්න daemon එක තමයි sane කියන්නේ. මේකට තියෙන front end එක හඳුන්වන්නේ xsane කියලා. මේ පැකේජ දෙකම සාමාන්‍යයෙන් ලිනක්ස් ස්ථාපනයේදී පැමිණි තියෙන්න ඕනේ. නැතිනම් aptitude හරහා පහත විධානය භාවිතා කර ඒවා ස්ථාපනය කර ගන්න.

~$ sudo apt-get install sane xsane sane-utils

ඊට පස්සේ ඔබේ ස්කෑනරයට අදාල වින්ඩෝස් ඩ්‍රයිවරය බාගත කර ගන්න ඕනේ. මම මේක බාගත කර ගත්තේ මේ ලින්ක් එකෙන්. මේක හොයාගන්න ලේසියි. සරල search එකකින් හොයා ගන්න පුලුවන් වේවි.

ඊට පස්සේ බාගත වෙන zip ගොනුව extract කර ගන්න. මෙයින් අපි එළියට ගන්න බලාපොරොත්තු වෙන්නේ firmware එක. Epson Perfection 660 සඳහා මෙය තියෙන්නේ බාගත වෙන zip ගොනුවේ data/bin ඇතුලෙ TAIL_061.BIN ලෙස. මේ firmware එක /usr/share/sane/snapscan බහලුම තුලට පිටපත් කරන්න. මේ සඳහා පහත විධාන භාවිතා කරන්න. TAIL_061.BIN ගොනුව ~/Desktop මත ඇති නම්,

~$ sudo mkdir /usr/share/sane/snapscan

~$ sudo cp Desktop/TAIL_061.BIN /usr/share/sane/snapscan/

ඉන්පසු අපිට /etc/sane.d/snapscan.conf ගොනුව වෙනස් කරන්න වෙනවා. මේ සඳහා පහත විධානය භාවිතා කරන අදාල ගොනුව විවෘත කර ගන්න.

~$ sudo gedit /etc/sane.d/snapscan.conf

ගොනුව විවෘත වූ පසු firmware /usr/share/sane/snapscan/your-firmwarefile.bin යන වදන් පේළිය සොයා එය පහත ලෙසට වෙනස් කරන්න. මෙහි TAIL_061.BIN වෙනුවට ඔබට අදාල firmware ගොනුවේ නම යොදන්න.

firmware /usr/share/sane/snapscan/TAIL_061.BIN

දැන් ගොනුව save කරන්න. xsane විවෘත කල යුත්තේ root ලෙසය. ඒ හැර sudo විධානය නොමැතිව xsane ආරම්භ කලොත් ස්කෑනරය සොයා ගැනෙන්නේ නැහැ. මෙයට පිළියමක් දැනට මම දන්නේ නෑ. නමුත් root ලෙස වැඩ කරද්දී පරිස්සමින් වැඩ කරන්න.

~$ sudo xsane

Bibliography : UbuntuForums

3 thoughts on “Ubuntu තුල Scanner ස්ථාපනය : Epson Perfection 660

  1. මගේ එක කැනෝන් lde100 එක නමි වැඩ නැ. පුලුවන්ද හෙල්ප් එකක් දෙන්න

Return Fire!