SCIM සහ Openoffice.org | SCIM & Openoffice.org

ලිනක්ස් ඇතුලෙදි සිංහල යතුරු කරන්න මම භාවිතා කරන්නේ SCIM මෘදුකාංගය. 9.1 වලට පෙරනිමියෙන් ආපු iBus අයින් කරලා SCIM දාන්න තරම් මම ඒකට හුරු වෙලා තියෙනවා.

ළඟදි දවසක Openoffice.org පැකේජය ඔවුන්ගේ වෙබ් අඩවියෙන් බාගත කරලා තිබුන එක අයින් කරලා ස්ථාපනය කලා. උබුන්ටු repository වලට Oo.org නවතම අනුවාදය(3.2) ඇතුලත් කරලා නැති නිසා දැනට තියෙන විසඳුම කෙලින්ම Openoffice.org වෙබ් අඩවියෙන් බාගත කිරීම. මෙහෙම ස්ථාපනය කරන්න කලින් Oo තුලදි SCIM හොඳින් භාවිතා කරන්න පුලුවන් වුනා. එකම අවුල තිබුනේ ලැබෙන ෆොන්ටය හරි හැටි render නොවීම විතරයි. ඒකත් ෆොන්ටය විදියට LKLUG හෝ වෙනත් ජනප්‍රිය ෆොන්ටයක් තෝරගත්තාම මඟහරව ගන්න පුලුවන්.

ඒත් Oo නව ස්ථාපනයෙන් පස්සේ ඒක ඇතුලේ SCIM භාවිතා කරලා යතුරු කරන්න බැරි වුනා. උබුන්ටු විකි සටහනකට අනුව මේ ගැටළුව එන්නේ SCIM gtk module එක යොදා ගන්න gcc අනුවාදන වෙනස් වුනාම. මේ සඳහා කරන්න තියෙන විසඳුම වෙන්නේ දැනට Oo සඳහා තියෙන C++ library එක වෙනුවට උබුන්ටු පද්ධතිය තුල තියෙන C++ library එකක් ලබා දීම. ඒ සඳහා පහත විධාන ටික root user යටතේ ලබා දෙන්න අවශ්‍යයි.

[sourcecode language=”bash”]
sudo su
cd /opt/openoffice.org3/basis-link/ure-link/lib/
mv libstdc++.so.6 libstdc++.so.6.orig
ln -s /usr/lib/libstdc++.so.6.0.13 libstdc++.so.6
mv libgcc_s.so.1 libgcc_s.so.1.orig
ln -s /lib/libgcc_s.so.1
[/sourcecode]

මේ විධාන වලින් කරන්නේ Oo මගින් ලබා දීලා තියෙන C++ library ටික අයින් කරලා ඒ වෙනුවට දැනට උබුන්ටු තුල භාවිතා වෙන library වෙතට යොමුවක් දැමීම. දැන් Oo තුල SCIM භාවිතා කරන්න හැකි වෙන්න ඕනෙ.

Bibliography:

Ubuntu Wiki – SCIM
Oo.org Community Forum

Lucid Lynx සමග දිනයක් – උබුන්ටු 10.04 Alpha | A day with Lucid Lynx – Ubuntu 10.04 Alpha

උබුන්ටු 10.04 බීටා නිකුතුවකුත් තියෙන කාලෙ ඇල්ෆා දාගෙන විනාස කර ගත්ත කතා නිකන් ආදී කාලේ වගේ ඇති. ඒත් අලුතින් එන ඇල්ෆා සංස්කරණයක් පාවිච්චි කරන්න තරම් උණ තියෙන කෙනෙකුටනම් මේවා රස කතා.

මම මුලින්ම කලේ මගේ තිබුන 9.1 සංස්කරණයේ ඉඳන් dist-upgrade එකක් දාපු එක. මේක කරන්නේ මෙහෙමයි.

Applications -> Accessories -> Terminal හරහා ටර්මිනලයක් විවෘත කර ගෙන පහත විධාන නිකුත් කරන්න. ඔබ  අවසර තියෙන පරිශීලකයෙක් (privileged user) නෙවෙයි නම් (prompt එකේ අවසානයට තියෙන්නේ # නෙවෙයි නම් ඔබ අවසර තියෙන පරිශීලකයෙක් නෙවෙයි) මේ විධාන වලට මුලින් sudo යොදන්න අවශ්‍යයයි.

[sourcecode language=”bash”]

sudo sed -i ‘s/karmic/lucid/g’ /etc/apt/sources.list && sudo aptitude update && sudo aptitude dist-upgrade

sudo aptitude install update-manager-core

sudo do-release-upgrade -d

[/sourcecode]

මට මතක හැටියට මෙගාබයිට් 888ක ගොනු ප්‍රමාණයක් බාගත කරන්න ඉල්ලනවා. ඒක නිසා ටිකක් bandwidth තියෙන තැනක මේ වැඩෙ කලොත් හොඳයි. තව දෙයක් කියන්න ඕනේ. මේ බාගත කිරීම කරන්නේ ප්‍රොක්සි සර්වරයක් පිටුපස නම් (ටර්මිනලයේ env | grep proxy යනුවෙන් විධානය ලබා දුන්නාට පස්සේ ප්‍රතිපලයක් ලැබෙනවනම් ඒ කියන්නේ ඔබ ඉන්නේ ප්‍රොක්සි සර්වරයක් පිටුපස) සමහර ගොනු බාගත කිරීමේදී ප්‍රශ්න ඇති වෙන්න පුලුවන්. libsexy හා python-sexy යනුවෙන් ගොනු දෙකක් බාගත කිරීම අනිවාර්යයි. නමුත් මේ නම් දෙක සමහර ප්‍රොක්සි සර්වර් මගින් අවහිර කරලා තියන්න පුලුවන්. වෙබ් ප්‍රොක්සි පාවිච්චි කිරීමෙන් සමහර විට මේ ප්‍රශ්නය මඟ හරව ගන්න පුලුවන් වෙයි.

Continue reading