CLSA 2010 අත්දැකීම | The CLSA 2010 Experience

පරිගණක තාක්ෂණය ලංකාව තුල ප්‍රචලිත වීමත් සමඟ ඇති වුන ප්‍රවණතා වලින් ඉතාමත් සාධනීය වෙන්නේ දේශීයකරණය කෙරෙහි ඇතිවුන නැඹුරුව. සිංහල යුනිකේත සම්මතය එන්නත් කලින් ඇස්කි ෆොන්ට නිර්මාණය කර ගෙන ලංකාව ලෝකය තුල තමන්ගේ අනන්‍යතාවයක් තියාගෙන නැගිටින්න හැදුවා. යුනිකේත සම්මතය තුලට සිංහල ඇතුලු වීම මේ කෙරෙහි තවත් හොඳින් බලපෑමක් එකතු කලා. තවමත් විශාල ජනතාවක් අතරට ගොස් නැතත් සිංහල යුනිකේත අනාගත සිංහල පරිගණක ක්ෂේත්‍රය තුල විශාල මෙහෙවරක් ඉටු කරන බව පැහැදිලියි.

මොරටුව සරසවියට අනුබද්ධිත ලක්ඇප්ස් ආයතනය මගින් සංවිධානය වන දේශීයකරණ පද්ධති හා යෙදුම් සම්මන්ත්‍රණය ලංකාව තුල දේශීයකරණයේ නියැලෙන පුද්ගලයින් එක් කර ගැනීමේ ධනාත්මක ව්‍යායාමයක් විදියට හඳුන්වන්න පුලුවන්. විවිධ ඉලක්ක ඔස්සේ විවිධ පද්ධති ඔස්සේ දේශීයකරණයේ යෙදෙන අය අතර නිසි සම්බන්ධතාවයක් ඇති කර ගැනීම මෙම සම්මන්ත්‍රණයේ එක් ප්‍රධාන අරමුණක් බව පැවසෙනවා. 2010 වසරේ දෙවැනි වරටත් මෙය අගෝස්තු 20-21 දින වලදී කලුතර රාමදා හෝටලයේදී පැවැත්වුනා. පසුගිය වසරට සාපේක්ෂව මෙවර ඉතාමත් සාර්ථකව මෙය පැවැත්වුන බව කියන්න පුලුවන්.

ඉතාමත් වටිනා පර්යේෂණ කිහිපයක්ම මෙහෙදී ඉදිරිපත් වුනා. Transliteration සම්බන්ධ පත්‍රිකා කිහිපයක් ඉදිරිපත් වී තිබුනා. ඒ වගේම වැඩි අවධානයක් යොමු වුන අංශයක් වුනේ ජංගම දුරකථන ආශ්‍රිත සිංහල දර්ශනය කර ගැනීම සම්බන්ධව තිබුන ඉදිරිපත් කිරීම් හා පත්‍රිකා කිහිපය.

ඉංග්‍රීසි හා සිංහල අතර යාන්ත්‍රික පරිවර්තන පර්යේෂණය, සිංහල සඳහා පරිවර්තන මතක පද්ධතියක පර්යේෂණය, යාපනය සරසවිය හා පරිගණක ආශ්‍රිත රැකියා වල නියුතු කිහිප දෙනෙක් ද මෙම සම්මන්ත්‍රණයට සහභාගී වීම විහේෂ කරුණක් වුනා. එක දිගට දින කිහිපයක් විදුලි බලය හා දුරකථන පහසුකම් විසන්ධි වෙන අතර තුර යාපනය සරසවිය විසින් දුරස්ථ ඉගෙනුම් ක්‍රියාවලියක් ආරම්භ කිරීමට ප්‍රයත්න දැරීම ප්‍රශංසනීයයි.

බ්ලොග් කරුවන් අතරින් පහන් විසින් මෙහිදී දේශීයකරණය ආශ්‍රිත වෙබ් බ්‍රව්සර් ප්ලගින කිහිපයක් හඳුන්වා දුන් අතර රවිමල් විසින් ජංගම දුරකථන තුල J2me භාවිතයෙන් සිංහල නිවැරදිව දර්ශනය කිරීමේ මෘදුකාංගයක් හඳුන්වා දුන්නා. දසුන් සමීර විසින් ඔහුගේ KeyTouch IME එක සහ indicscripts.com transliteration වෙබ් අඩවිය හඳුන්වා දුන්නා. මම PHP හා CodeIgniter ආශ්‍රයෙන් අන්තර්ජාතිකකරණය (Internationalization) කරන ලද වෙබ් අඩවි නිර්මාණය පිලිබඳ ඉදිරිපත් කිරීමක් සිදු කලා.

තාක්ෂණික කරුණු වලට අමතරව දේශීයකරණය ජනතාව අතර කොතරම් දුරට ව්‍යාපත් වී තිබේද යන්න ගැනත් පර්යේෂණ ප්‍රතිපල ඉදිරිපත් කිරීමක් සිදු වුනා. මෙහෙදී කුඩා හා මධ්‍ය පරිමාණ ව්‍යාපාර ඇසුරෙන් කරන ලද සමීක්ෂණය සිත් ඇද ගන්නා සුලු එකක් වුනා. පත්‍රිකා හා ඉදිරිපත් කිරීම් වලින් අනතුරුව පැවති සාකච්ඡා වලදී දේශීයකරණ ක්‍රියාවලිය තුල ඉදිරියේදී වැදගත් විය හැකි අංග කෙරෙහිත් අවධානය යොමු වුනා.

පලමුවැනි වර නොමිලයේ ඇතුලු වීමට අවස්ථාව ලැබුනත් 2010 සම්මන්ත්‍රණය සඳහා රු 2500ක මුදලක් අය කර ගෙන තිබුනා. සම්මන්ත්‍රණයේ සංවිධානයත්, ලබා දී තිබූ පහසුකම් අනුවත් බැලූ විට රු 2500 ඉතාමත් සුලු මුදලක් වගේ අපිට හැඟී ගියේ. කෙසේ නමුත් ගිය වරට වඩා සහභාගීත්වය මෙවර අඩු බවක් දැනුනා. බොහෝ විට මේ මුදල ඊට හේතු වුනා විය හැකියි. නමුත් වෙනත් බොහෝ සම්මන්ත්‍රණ හා සසඳන විට මේ මුදල ඉතාමත් ලාභදායී බව කිව යුතුයි.

සම්මන්ත්‍රණයේ පින්තූර කිහිපයක් මෙතනට ගිහින් බලන්න පුලුවන්. සම්මන්ත්‍රණයේ අත්පොත් ලඟදීම ලක්ඇප්ස් වෙබ් අඩවියෙන් ලබා දෙන බවක් පැවසුනා.

මගේ ඉදිරිපත් කිරීම

මගේ ඉදිරිපත් කිරීම

රවිමල්

දසුන් සමීර

පහන්

අපේ කාමරෙන් එලිය

8 thoughts on “CLSA 2010 අත්දැකීම | The CLSA 2010 Experience

  1. අය්යා කරපු “PHP හා CodeIgniter ආශ්‍රයෙන් අන්තර්ජාතිකකරණය (Internationalization) කරන ලද වෙබ් අඩවි නිර්මාණය ” වැඩේ ගැනත් විස්තර ටිකක් කියන්නකො..

  2. @ගයන්ත, කணிshක: ස්තුතියි මචං ප්‍රතිචාරයට
    @කණිෂ්ක: ලැබුන පහසුකම් වල හැටියටනම් මචං ගාණ හුඟක්ම ලාබයි.

  3. ගියපාර වගේ නෙවෙයි මේපාර දේශීයකරණයට සම්බන්ධ හා ඒ සඳහා උනන්දුවක් දක්වන අය සමග වඩා හොඳ සම්බන්ධතාවයක් ගොඩනගාගන්න අවස්ථාව සලසලා තිබුනා.

Return Fire!